ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Saturday, February 4, 2012

ਰਵਿੰਦਰ ਸਿੰਘ ਕੁੰਦਰਾ - ਨਜ਼ਮ

ਦੋਸਤੋ! ਕੁੰਦਰਾ ਸਾਹਿਬ ਨੂੰ ਮੇਰੇ ਨਾਲ਼ ਬੜੇ ਗਿਲੇ-ਸ਼ਿਕਵੇ ਨੇ...ਆਸ ਹੈ ਕੁਝ ਕੁ ਸ਼ਿਕਵੇ ਤਾਂ ਉਹਨਾਂ ਦੀ ਇਸ ਹਾਜ਼ਰੀ ਨਾਲ਼ ਜ਼ਰੂਰ ਹੀ ਦੂਰ ਹੋ ਜਾਣਗੇ... ਇਹ ਭਲੀ-ਭਾਂਤ ਜਾਣਦੀ ਹਾਂ ਕਿ ਮੈਂ ਜਦੋਂ ਵੀ ਇੰਗਲੈਂਡ ਗਈ, ਸਭ ਤੋਂ ਪਹਿਲਾਂ ਕੁੰਦਰਾ ਸਾਹਿਬ ਨੇ ਮੈਨੂੰ ਬੀ.ਬੀ.ਸੀ. ਲੰਡਨ ਤੇ ਲਾਈਵ ਸ਼ੋਅ ਚ ਘੇਰ ਕੇ ਕੁਝ ਐਸੇ ਸਵਾਲਾਂ ਦੀਆਂ ਲਾਠੀਆਂ ਮੇਰੇ ਸਿਰ ਤੇ ਵਰ੍ਹਾਉਣੀਆਂ ਨੇ.....ਮਸਲਨ ਕਿ ਤਨਦੀਪ...ਮੇਰੀਆਂ ਘੱਲੀਆਂ ਰਚਨਾਵਾਂ ਦਾ ਕੀ ਬਣਿਆ..??? ਉਹ ਆਰਸੀ ਚ ਸ਼ਾਮਿਲ ਕਿਉਂ ਨਹੀਂ ਕੀਤੀਆਂ ਗਈਆਂ..???? ਤੁਹਾਡੇ ਐਡੀਟੋਰੀਅਲ ਬੋਰਡ ਚ ਰਚਨਾ ਕਿਸ ਆਧਾਰ ਤੇ ਪਰਖੀ ਜਾਂਦੀ ਹੈ...ਵਗੈਰਾ..ਵਗੈਰਾ.... ਹਾ ਹਾ ਹਾ...:)

ਖ਼ੈਰ! ਮੈਂ ਆਰਸੀ ਨਾਲ਼ ਜੁੜੇ ਸਾਰੇ ਅਦੀਬਾਂ ਨੂੰ ਦੱਸਣਾ ਚਾਹੁੰਦੀ ਹਾਂ ਕਿ ਪਿਛਲੇ ਡੇਢ ਕੁ ਸਾਲ ਤੋਂ ਮੇਰੀ ਘੌਲ਼ ਕਰਕੇ ਬਲੌਗ ਅਪਡੇਟ ਨਹੀਂ ਹੋ ਸਕਿਆ ਸੀ....ਬਹੁਤ ਸਾਰੀਆਂ ਰਚਨਾਵਾਂ ਵੇਖਣ ਵਾਲ਼ੀਆਂ ਪਈਆਂ ਨੇ....ਜਿਨ੍ਹਾਂ ਨੂੰ ਕੁੰਦਰਾ ਸਾਹਿਬ ਦੀ ਤਰ੍ਹਾਂ ਏਨਾ ਲੰਮਾ ਇੰਤਜ਼ਾਰ ਕਰਨਾ ਪਿਆ ਹੈ..ਮੈਂ ਉਹਨਾਂ ਤੋਂ ਖ਼ਿਮਾ ਦੀ ਜਾਚਕ ਹਾਂ.... ਆਸ ਹੈ ਕਿ ਮੇਰੀ ਖ਼ਤਾ ਮੁਆਫ਼ ਕਰ ਦੇਣਗੇ...ਹੁਣ ਬਲੌਗ ਬਕਾਇਗੀ ਨਾਲ਼ ਅਪਡੇਟ ਹੋ ਰਿਹੈ...ਸਭ ਦੀਆਂ ਰਚਨਾਵਾਂ ਇਕ-ਇਕ ਕਰਕੇ ( ਜੋ ਆਰਸੀ
ਚ ਸ਼ਾਮਿਲ ਕਰਨ ਯੋਗ ਹੋਈਆਂ ) ਏਥੇ ਪੋਸਟ ਜ਼ਰੂਰ ਕੀਤੀਆਂ ਜਾਣਗੀਆਂ....ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਮਨੂਨ ਹਾਂ ਜੀ....ਅਦਬ ਸਹਿਤ...ਤਨਦੀਪ

******



ਅਧੂਰੀ ਤਸਵੀਰ


ਨਜ਼ਮ


ਜਦੋਂ ਕੈਨਵਸ ਦੇ ਪਿੰਡੇ,


ਉਸਦੀ ਤਸਵੀਰ ਬਣਾਉਂਦਾ ਹਾਂ


ਨਕਸ਼ ਉਸ ਦੇ ਉਘਾੜਨ ਦੀ,


ਕੋਈ ਤਦਬੀਰ ਲਗਾਉਂਦਾ ਹਾਂ



ਤਾਂ ਉਹ ਹੱਥ ਮੇਰਾ ਫੜ ਕੇ,


ਮੈਨੂੰ ਝੱਟ ਰੋਕ ਦਿੰਦੀ ਹੈ,


ਮੇਰੇ ਬੋਲਣ ਤੋਂ ਪਹਿਲਾਂ ਹੀ,


ਉਹ ਮੈਨੂੰ ਟੋਕ ਦਿੰਦੀ ਹੈ



ਆਪਣੀਆਂ ਰੇਸ਼ਮੀ ਉਂਗਲ਼ਾਂ,


ਮੇਰੇ ਬੁੱਲ੍ਹਾਂ 'ਤੇ ਧਰਦੀ ਹੈ,


ਬੱਸ ਚੁੱਪ ਹੀ ਰਹਿਣ ਦੀ,


ਸਦਾ ਤਾਕੀਦ ਕਰਦੀ ਹੈ



ਇਹ ਇੱਕ ਅਜੀਬ ਮੁਜੱਸਮਾ,


ਮੇਰੇ ਸੰਗ ਰੋਜ਼ ਹੁੰਦਾ ਹੈ,


ਜਿਸ ਦੇ ਹੋਵਣ ਦਾ ਮੈਨੂੰ,


ਇੱਕ ਡੂੰਘਾ ਸੋਗ ਹੁੰਦਾ ਹੈ



ਨਾ ਕੁਝ ਕਹਿਣ ਦੀ ਹਿੰਮਤ,


ਨਾ ਕੁਝ ਕਰਨ ਦਾ ਹੀਆ,


ਕਿੰਝ ਖੋਲ੍ਹਾਂ ਉਸ ਦੇ ਸਾਹਮਣੇ,


ਸੰਜੀਦਾ ਧੜਕਦਾ ਜੀਆ



ਉਸ ਦੀ ਸਹਿਮਤੀ ਬਾਝੋਂ,


ਇਹ ਤਸਵੀਰ ਅਧੂਰੀ ਹੈ,


ਤੇ ਸਹਿਮਤੀ ਵਾਸਤੇ ਉਸ ਦੀ,


ਹਾਂਵੀ ਜ਼ਰੂਰੀ ਹੈ



ਹਾਂਦੀ ਉਡੀਕ ਵਿੱਚ ਹੀ ਮੈਂ,


ਪਲ ਪਲ ਮੁੱਕਦਾ ਜਾਂਦਾ ਹਾਂ,


ਮਾਰੂਥਲੇ ਤਰਵਰ ਵਾਂਗ,


ਨਿੱਤ ਦਿਨ ਸੁੱਕਦਾ ਜਾਂਦਾ ਹਾਂ



ਡਰ ਹੈ ਕਿਤੇ ਮੇਰਾ ਸੁਪਨਾ,


ਅਧੂਰਾ ਹੀ ਨਾ ਰਹਿ ਜਾਵੇ,


ਫ਼ਰਜ਼ ਤੋਂ ਸੁਰਖ਼ਰੂ ਹੋਣਾ,


ਖ਼ਾਬਾਂ ਵਿੱਚ ਨਾ ਵਹਿ ਜਾਵੇ



ਅਧੂਰੀ ਤਸਵੀਰ ਹੈ, ਜਾਂ ਮੇਰੀ,


ਇਹ ਜੀਵਨ ਦੀ ਤੰਦੀ ਹੈ?


ਕਿ ਹੈ ਇਹ ਰੇਤ ਦੀ ਕੰਧੀ,


ਤੇ ਜਾਂ ਢਲ਼ਦੀ ਬੁਲੰਦੀ ਹੈ?



2 comments:

ਤਨਦੀਪ 'ਤਮੰਨਾ' said...

Kamal Pall ‎---------
ਅਧੂਰੀ ਤਸਵੀਰ ਹੈ , ਜਾਂ ਮੇਰੀ
ਇਹ ਜੀਵਨ ਦੀ ਤੰਦੀ ਹੈ
ਕਿ ਹੈ ਰੇਤ ਦੀ ਕੰਧੀ
ਤੇ ਜਾਂ ਢਲਦੀ ਬੁਲੰਦੀ ਹੈ ?
------
ਰਵਿੰਦਰ ਸਿੰਘ ਕੁੰਦਰਾ ਜੀ ਇਸ ਨਜ਼ਮ ਵਾਸਤੇ ਮੁਬਾਰਕਾਂ..pall
3 hours ago · Unlike · 1

AMRIK GHAFIL said...

ਖ਼ੂਬਸੂਰਤ ਨਜ਼ਮ ਲਈ ਮੁਬਾਰਕਾਂ ਜੀ....