ਨਿਰਦੋਸ਼
ਨਜ਼ਮ
ਕੋਸੇ ਪਾਣੀ ਸਰਵਰ ਭਰਿਆ
ਵਿੱਚ ਤੇਰੀ ਜੋਤ ਜਗੇ।
ਨਾ ਮੇਰੇ ਵਰ੍ਹਿਆਂ ‘ਚੋਂ ਲਾਟਾਂ ਮੁੱਕਣ,
ਨਾ ਮੇਰੀ ਉਮਰ ਠਰੇ।
-----
ਪੂਰਬ ਵੱਲੋਂ ਸੂਰਜ ਉੱਗਿਆ
ਮਨ ਵਿੱਚ ਤੇਰਾ ਮੁੱਖੜਾ,
ਕਿਸ ਨੇ ਕਿਸ ਦੀ ਧੁੱਪ ਚੁਰਾਈ
ਨਿਰਣਾ ਕੌਣ ਕਰੇ?
------
ਅਵਚੇਤਨ ਵਿੱਚ ਬੈਠ ਇਸ਼ਕ ਨੇ
ਝੁੰਗਲਮਾਟਾ ਕੀਤਾ,
ਆਪਣੇ ਜਲ ਵਿੱਚ ਆਪਣੀ ਮਛਲੀ
ਆਪਣੇ ਸ਼ੌਕ ਤਰੇ।
-----
ਜਿੰਦ ਸੁਆਣੀ, ਸੁਆਸਾਂ ਦੀ ਬਹੁਕਰ
ਹਿੱਕੜੀ ਹੂੰਝ ਸੰਵਾਰੀ,
ਕਿਸ ਥਾਵੇਂ ਆ ਸੁਆਸ ਸੱਜਣ ਦਾ
ਮਤ ਕੋਈ ਪੈਰ ਧਰੇ।
-----
ਮੇਰਾ ਸੱਜਣ ਸੁਗੰਧੀ ਵਰਗਾ
ਫੜਿਆਂ ਹੱਥ ਨਾ ਆਵੇ,
ਬਾਹਰ ਦੀ ਜੇ ਮੈਂ ਟੋਲਣ ਜਾਵਾਂ,
ਆਉਂਦੀ ‘ਵਾਜ ਘਰੇ।
-----
ਤੇਰੀ ਜੂਹ ਦੇ ਵਿੱਚੋਂ ਲੰਘਣਾ
ਦਰਦਾਂ ਦੀ ਨਗਰੀ ਜਾਣਾ,
ਸੂਲ਼ਾਂ ਹਨ ਕਿ ਫੁੱਲ-ਪੰਖੜੀਆਂ
ਰਸਤੇ ਭਰੇ ਭਰੇ।
------
ਅਨਹੱਦ ਵਿੱਚ ਕੋਈ ਗੀਤ ਨਾ ਗੂੰਜੇ
ਨਾ ਹੋਠਾਂ ਤੇ ਵੰਝਲੀ,
ਭੈਰਵੀਆਂ ਨੂੰ ਸੱਦਾ ਦੇ ਕੇ
ਕਿਉਂ ਕੋਈ ਹਿਰਖ ਕਰੇ?
------
ਅੱਗ ਚੁੰਘਾ ਕੇ, ਚਿਣਗ ਖੁਆ ਕੇ
ਮਾਂ ਨੇ ਏਡਾ ਕੀਤਾ,
ਇਸ ਦੁਨੀਆਂ ਦੇ ਮੱਥੇ ਉੱਤੇ
ਕਿਉਂ ਕੋਈ ਦੋਸ਼ ਧਰੇ?
2 comments:
Respected Taya ji..Marhoom Mr Deol ji di aah nazam vi mainu bahut hi pasand hai...socheya ajj sabh naal sanjhi kraan...
ਕੋਸੇ ਪਾਣੀ ਸਰਵਰ ਭਰਿਆ
ਵਿੱਚ ਤੇਰੀ ਜੋਤ ਜਗੇ।
ਨਾ ਮੇਰੇ ਵਰ੍ਹਿਆਂ ‘ਚੋਂ ਲਾਟਾਂ ਮੁੱਕਣ,
ਨਾ ਮੇਰੀ ਉਮਰ ਠਰੇ।
-------
ਅਵਚੇਤਨ ਵਿੱਚ ਬੈਠ ਇਸ਼ਕ ਨੇ
ਝੁੰਗਲਮਾਟਾ ਕੀਤਾ,
ਆਪਣੇ ਜਲ ਵਿੱਚ ਆਪਣੀ ਮਛਲੀ
ਆਪਣੇ ਸ਼ੌਕ ਤਰੇ।
-------
ਮੇਰਾ ਸੱਜਣ ਸੁਗੰਧੀ ਵਰਗਾ
ਫੜਿਆਂ ਹੱਥ ਨਾ ਆਵੇ,
ਬਾਹਰ ਦੀ ਜੇ ਮੈਂ ਟੋਲਣ ਜਾਵਾਂ,
ਆਉਂਦੀ ‘ਵਾਜ ਘਰੇ।
---------
ਅੱਗ ਚੁੰਘਾ ਕੇ, ਚਿਣਗ ਖੁਆ ਕੇ
ਮਾਂ ਨੇ ਏਡਾ ਕੀਤਾ,
ਇਸ ਦੁਨੀਆਂ ਦੇ ਮੱਥੇ ਉੱਤੇ
ਕਿਉਂ ਕੋਈ ਦੋਸ਼ ਧਰੇ?
-------
Tussi enney saal pehlan enna sohn alikh gaye hon ke aun waliyaan pushtan parh ke hairaan hongiaan tuhadi kaav atte soch uddari te...
Tuhanu yaad kardeyaan...tuhanu salaam hai!!
Tamanna
ਦਿਓਲ ਸਾਹਿਬ ਦੀ ਨਜ਼ਮ ਵੀ ਬਹੁਤ ਹੀ ਵਧੀਆ ਹੈ।
ਸਤਵਿੰਦਰ ਸਿੰਘ
ਲੰਡਨ, ਯੂਕੇ
Post a Comment