ਸਤਿਕਾਰਤ ਡਾ: ਪ੍ਰੇਮ ਮਾਨ ਜੀ ਨੂੰ 'ਆਰਸੀ' ਤੇ ਖ਼ੁਸ਼ਆਮਦੀਦ! ਡਾ: ਸਾਹਿਬ ਨੇ ਚੰਦ ਬਹੁਤ ਹੀ ਖ਼ੂਬਸੂਰਤ ਸ਼ਿਅਰ 'ਆਰਸੀ' ਦੇ ਪਾਠਕ / ਲੇਖਕ ਦੋਸਤਾਂ ਨਾਲ਼ ਸਾਂਝੇ ਕਰਨ ਲਈ ਭੇਜ ਕੇ 'ਆਰਸੀ' ਕਾਵਿ-ਕਿਆਰੀ 'ਚ ਤਾਜ਼ਾ ਮਹਿਕਦੇ ਫੁੱਲ ਲਾਏ ਹਨ...ਬਹੁਤ-ਬਹੁਤ ਸ਼ੁਕਰੀਆ।
ਕੁਝ ਸ਼ਿਅਰ
ਮੌਸਮ ਦੇ ਨਾਲ ਰਹਿਣਾ ਸੌਖਾ, ਹੰਢਣਾ ਸੌਖਾ, ਜੀਣਾ ਸੌਖਾ
ਬੇਮੌਸਮ ਜਿਹੀ ਗੱਲ ਨੂੰ ਕਰਨਾ ਮੇਰੇ ਦਿਲ ਦੀ ਆਦਤ ਹੈ।
----------
ਆਖਿਰ ਨੂੰ ਮੈਂ ਰੇਤੇ ਦੇ ਵਿੱਚ ਡੁੱਬ ਮੋਇਆਂ
ਇਕ ਸਮਾਂ ਸੀ ਸਾਗਰ ਦੇਖੇ ਤਰ ਤਰ ਕੇ।
----------
ਤਿੜਕੇ ਸ਼ੀਸ਼ੇ ਸਾਹਮਣੇ ਜਦ ਮੈਂ ਖੜਕੇ ਦੇਖਿਆ
ਤੇੜ ਹਰ ਇਕ ਬਣ ਗਈ ਹੋਵੇ ਜਿਉਂ ਤੇਰੇ ਨਕਸ਼।
----------
ਅਸੀਂ ਸਭ ਕੁਝ ਹੀ ਕੁਝ ਅੱਥਰੇ ਜਿਹੇ ਦਾਵਾਂ ਤੇ ਲਾ ਬੈਠੇ।
ਕੁਝ ਜੂਏ ਤੇ ਲਾ ਬੈਠੇ, ‘ਤੇ ਕੁਝ ਚਾਵਾਂ ਤੇ ਲਾ ਬੈਠੇ।
---------
ਝੂਠ ਦੀ ਮਾਲਾ ਨਹੀਂ ਸਾਥੋਂ ਫਿਰੀ
ਝੂਠ ਦਾ ਪ੍ਰਯੋਗ ਨਹੀਂ ਹੋਇਆ ਕਦੇ।
---------
ਸੜਕ ਦੀ ਮਿਣਤੀ ਤਾਂ ਮੇਰੇ ਘਰ ਤੋਂ ਓਨੀ ਹੈ ਰਹੀ
ਫਿਰ ਕਿਉਂ ਲਗਦਾ ਹੈ ਵਧਿਆ ਤੇਰੇ ਘਰ ਦਾ ਫ਼ਾਸਲਾ?
---------
ਕਿਸ ਦੀ ਨਿਗ੍ਹਾ ਸਵਲੀ ਸਾਡੇ ਘਰ ਤੇ ਹੋਈ ਏ
ਠੰਢੀ ਹਵਾ ਦੇ ਬੁੱਲੇ ਆਉਂਦੇ ਨੇ ਦਰਵਾਜ਼ੇ ‘ਚੋਂ।
---------
1 comment:
Respectecd Mann Saheb..Bahut hi khoobsurat sheyeran naal hazri lavaun da behadd shukriya...
ਮੌਸਮ ਦੇ ਨਾਲ ਰਹਿਣਾ ਸੌਖਾ, ਹੰਢਣਾ ਸੌਖਾ, ਜੀਣਾ ਸੌਖਾ
ਬੇਮੌਸਮ ਜਿਹੀ ਗੱਲ ਨੂੰ ਕਰਨਾ ਮੇਰੇ ਦਿਲ ਦੀ ਆਦਤ ਹੈ।
Bahut khoob!!
-----
ਝੂਠ ਦੀ ਮਾਲਾ ਨਹੀਂ ਸਾਥੋਂ ਫਿਰੀ
ਝੂਠ ਦਾ ਪ੍ਰਯੋਗ ਨਹੀਂ ਹੋਇਆ ਕਦੇ।
Both me and Dad loved this one..Great & very mature thoughts.
Looking forward to more literary contributions..
Bahut bahut shukriya
Tamanna
Post a Comment