ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Sunday, December 7, 2008

ਮਨਦੀਪ ਖੁਰਮੀ ਹਿੰਮਤਪੁਰਾ - ਨਜ਼ਮ

ਹੱਸ ਬੋਲ ਵੇ ਸੱਜਣਾ....!
ਨਜ਼ਮ

ਤੇਰਾ ਬੋਲ ਸੁਣਨੇ ਦੀ
ਨਿੱਤ ਹੀ ਉਡੀਕ ਰਹੇ।
ਆਖਰੀ ਤਮੰਨਾ
ਹੱਸ ਬੋਲ ਵੇ ਸੱਜਣਾ।
----
ਕਿਤੇ ਏਸੇ ਆਸ ਵਿੱਚ
ਮਰ ਹੀ ਨਾ ਜਾਈਏ,
ਯਾਦ ਆਵਾਂਗੇ ਜਦੋਂ
ਨਾ ਰਹੇ ਕੋਲ਼ ਵੇ ਸੱਜਣਾ।
----
ਅਸੀਂ ਤੇਰੇ ਸ਼ਹਿਰ ‘ਚੋਂ
ਤਿਹਾਏ ਮੁੜੇ ਇਸ ਤਰ੍ਹਾਂ
ਜਿਉਂ ਸੁੱਕੇ ਖੂਹ ‘ਚੋਂ
ਮੁੜੇ ਖਾਲੀ ਡੋਲ ਵੇ ਸੱਜਣਾ।
----
ਪਿਆਰ ‘ਚ ਪਰਖ ਲਈ
ਹੁੰਦੀ ਨਹੀਂ ਕੋਈ ਥਾਂ ਭਾਵੇਂ
ਜਿਸ ਮਰਜੀ ਤਰਾਜ਼ੂ
ਲਵੀਂ ਤੋਲ ਵੇ ਸੱਜਣਾ।
----
ਕੀ ਪਤਾ ਸੀ ਕਿ ਨਿਹੁੰ ਲਾ ਕੇ
ਪੈਂਦਾ ਉਮਰਾਂ ਲਈ ਰੋਣਾ
ਹੱਥੀਂ ਆਪਣੇ ਹੀ
ਜਿੰਦ ਬੈਠੇ ਰੋਲ਼ ਵੇ ਸੱਜਣਾ।
----
ਤੂੰ ਤਾਂ ਸਾਨੂੰ ਅੱਜ ਵੀ
ਅਜ਼ੀਜ਼ ਜਾਨ ਆਪਣੀ ਤੋਂ
ਜਿਥੋਂ ਲੰਘੇਂ ਕਰਾਂ ਰਾਹ ਸੁੱਚੀ
ਰੱਤ ਡੋਲ੍ਹ ਵੇ ਸੱਜਣਾ।
----
ਹਰ ਰੋਮ-ਰੋਮ ਉੱਤੇ
ਨਾਂ ਤੇਰਾ ਹੀ ਹੋਵਣਾ
ਦੇ਼ਖ ਲਵੀਂ ਭਾਵੇਂ
ਤੂੰ ਫਰੋਲ਼ ਵੇ ਸੱਜਣਾ।
----
ਦੇ ਗਏ ਹਾਲਾਤ ਭਾਵੇਂ
ਧੋਖਾ ਦਰ ਧੋਖਾ
“ਦੀਪ” ਵਾਅਦਿਆਂ ‘ਤੇ
ਅੱਜ ਵੀ ਅਡੋਲ ਵੇ ਸੱਜਣਾ।

1 comment:

ਤਨਦੀਪ 'ਤਮੰਨਾ' said...

Respected Mandeep ji...Himmatpura bahuta yaad aunda laggda..:) Jokes aside..nazam bahut sohni hai...mubarakaan..:)
ਤੇਰਾ ਬੋਲ ਸੁਣਨੇ ਦੀ
ਨਿੱਤ ਹੀ ਉਡੀਕ ਰਹੇ।
ਆਖਰੀ ਤਮੰਨਾ
ਹੱਸ ਬੋਲ ਵੇ ਸੱਜਣਾ।
Jithey vi likhtan ch mera naam aavey..mainu bahut changa laggda..:)

ਅਸੀਂ ਤੇਰੇ ਸ਼ਹਿਰ ‘ਚੋਂ
ਤਿਹਾਏ ਮੁੜੇ ਇਸ ਤਰ੍ਹਾਂ
ਜਿਉਂ ਸੁੱਕੇ ਖੂਹ ‘ਚੋਂ
ਮੁੜੇ ਖਾਲੀ ਡੋਲ ਵੇ ਸੱਜਣਾ।
Bahut ziada khoobsurat hai eh khayal.

Tamanna