ਗ਼ਜ਼ਲ
ਕਿੰਝ ਕਰੇ ਕੋਈ ਰਾਖੀ ਘਰ ਦੀਆਂ ਕੰਧਾਂ ਦੀ ।
ਚਾਰੇ ਪਾਸੇ ਠਾਹ ਠਾਹ ਠਾਹ ਠਾਹ ਬੰਬਾਂ ਦੀ ।
----
ਜਦ ਵੀ ਤੋਰਾਂ ਗੱਲ ਮੈ ਕਿਧਰੇ ਅਮਨਾਂ ਦੀ,
ਉਹ ਲੈ ਬੈਠਣ ਅੱਗੋਂ ਸਾਖੀ ਜੰਗਾਂ ਦੀ ।
----
ਫਿੱਕੀ ਪੈ ਗਈ ਕਿਸੇ ਸੁਹਾਗਣ ਦੀ ਮਹਿੰਦੀ,
ਗੂੰਗੀ ਹੋ ਗਈ ਛਣ ਛਣ ਉਹਦੀਆਂ ਵੰਗਾਂ ਦੀ ।
----
ਦਿਲ ਮੇਰਾ ਕੁਝ ਹੋਰ ਤੇ ਭੇਜਾ ਹੋਰ ਕਹੇ,
ਆਪਸ ਵਿਚ ਨਾ ਬਣਦੀ ਇਹਨਾਂ ਅੰਗਾਂ ਦੀ ।
----
‘ਸੁੱਖੀ’ ਵਰਗਿਆਂ ਕੀ ਭਰਨੇ ਢਿੱਡ ਭੁੱਖਿਆਂ ਦੇ,
ਇਹ ਜੁੰਡਲੀ ਤਾਂ ਆਪ ਏ ਭੁੱਖਿਆਂ, ਨੰਗਾਂ ਦੀ ।
2 comments:
respected Sukhi ji...ghazal bahut hi khoobsurat hai..mubarakbaad kabool karo..mainu eh sheyer bahut hi pyaare laggey..
ਦਿਲ ਮੇਰਾ ਕੁਝ ਹੋਰ ਤੇ ਭੇਜਾ ਹੋਰ ਕਹੇ,
ਆਪਸ ਵਿਚ ਨਾ ਬਣਦੀ ਇਹਨਾਂ ਅੰਗਾਂ ਦੀ ।
=======
ਜਦ ਵੀ ਤੋਰਾਂ ਗੱਲ ਮੈ ਕਿਧਰੇ ਅਮਨਾਂ ਦੀ,
ਉਹ ਲੈ ਬੈਠਣ ਅੱਗੋਂ ਸਾਖੀ ਜੰਗਾਂ ਦੀ ।
Ghazal sabh naal sanjhi karn layee ikk vaar pher shukriya.
Tamanna
ਤਮੰਨਾ ਜੀ...ਸੁੱਖੀ ਜੀ ਦੀ ਗ਼ਜ਼ਲ ਦਾ ਇਹ ਸ਼ਿਅਰ ਬਹੁਤ ਵਧੀਆ ਲੱਗਿਆ:
ਜਦ ਵੀ ਤੋਰਾਂ ਗੱਲ ਮੈ ਕਿਧਰੇ ਅਮਨਾਂ ਦੀ,
ਉਹ ਲੈ ਬੈਠਣ ਅੱਗੋਂ ਸਾਖੀ ਜੰਗਾਂ ਦੀ ।
ਹਰਪ੍ਰੀਤ
ਕੈਨੇਡਾ
=======
ਸ਼ੁਕਰੀਆ ਹਰਪ੍ਰੀਤ ਜੀ!
ਤਮੰਨਾ
Post a Comment