ਟੱਪੇ
ਮੋਏ ਮਿੱਤ ਨਾ ਕਿਸੇ ਦੇ ਹੁੰਦੇ
ਸਿਵਿਆਂ ਤੋਂ ਦੂਰ ਦੀ ਲੰਘੀਂ।
----
ਢਾਅ ਦੇਣ ਨਾ ਮੁਲ਼ਕ ਦੇ ਕੌਲ਼ੇ
ਲੀਡਰਾਂ ਦੇ ਭੇੜ ਚੰਦਰੇ।
----
ਜਿਹੜੇ ਗਿਆ ਸੀ ਬੀਜ ਕੇ ਹਾਸੇ
ਹਿਜਰਾਂ ਦੇ ਵੱਗ ਚਰ ਗਏ।
----
ਨਹਾ ਕੇ ਹਟਿਆ ਗੁਲਾਬੀ ਫੁੱਲ ਕੋਈ
ਬੀਹੀ ਵਿਚੋਂ ਆਉਂਣ ਲਪਟਾਂ।
----
ਮੂਹਰੇ ਉਹਨਾਂ ਦੇ ਦਗਣ ਦੁਪਹਿਰੇ
ਪਿੱਠ ਪਿੱਛੇ ਰਾਤਾਂ ਕਾਲ਼ੀਆਂ।
----
ਚੜ੍ਹੇ ਸੂਰਜ ਭਾਵੇਂ ਲੱਖ ਵਾਰੀ
ਈਦ ਹੋਣੀ ਚੰਦ ਚੜ੍ਹਿਆਂ।
----
ਲੋਕੀਂ ਤੱਕਣ ਛੱਤਾਂ ‘ਤੇ ਚੜ੍ਹ ਕੇ
ਛਿਪਦੇ ‘ਚ ਚੰਦ ਚੜ੍ਹਿਆ।
----
ਸੁੱਕੇ ਅੰਬਰੀਂ ਤਰੇਲ਼ ਨਿੱਤ ਵਰ੍ਹਦੀ
ਬੱਦਲ਼ੀ ਤਾਂ ਵਰ੍ਹਦੀ ਕਦੇ।
-----
ਤੂੰ ਕਦੇ ਨਾ ਗੁਆਂਢਣੇ ਆਈ
ਧੂੰਆਂ ਆਵੇ ਕੰਧ ਟੱਪ ਕੇ।
----
ਤੇਰੇ ਯਾਰ ਨੇ ਵੇਚਣੇ ਹੀਰੇ
ਤੂੰ ਹਟੀ ਸੋਨਾ ਵੇਚ ਕੇ।
1 comment:
Respected Bagri saheb..appey bahut hi wadhiya laggey..Mubarakbaad kabool karo..:)
ਮੋਏ ਮਿੱਤ ਨਾ ਕਿਸੇ ਦੇ ਹੁੰਦੇ
ਸਿਵਿਆਂ ਤੋਂ ਦੂਰ ਦੀ ਲੰਘੀਂ।
-----
ਤੂੰ ਕਦੇ ਨਾ ਗੁਆਂਢਣੇ ਆਈ
ਧੂੰਆਂ ਆਵੇ ਕੰਧ ਟੱਪ ਕੇ।
----
ਤੇਰੇ ਯਾਰ ਨੇ ਵੇਚਣੇ ਹੀਰੇ
ਤੂੰ ਹਟੀ ਸੋਨਾ ਵੇਚ ਕੇ।
---
Bahut khhon eh Tappey bahut ziada pasand aaye.
Tamanna
Post a Comment