ਡੂੰਘੀ ਬੜੀ ਉਦਾਸੀ, ਚੁੱਪ ਜਿਹੀ ਛਾਈ ਹੈ।
ਭੁੱਲੀ ਵਿਸਰੀ ਰੂਹ ਇੱਕ ਚੇਤੇ ਆਈ ਹੈ।
----
ਰੋਟੀ ਖ਼ਾਤਿਰ ਚਾਅ ਸਭ ਦਫ਼ਨ ਕਰੀ ਬੈਠਾ,
ਕੀ ਕਿਸਮਤ ਇਸ ਪਰਦੇਸੀ ਨੇ ਪਾਈ ਹੈ।
----
ਇਸ ਰਸਤੇ ਨੂੰ ਚੁਣ ਲਿਆ,ਕਿਸ ਮਾੜੇ ਵੇਲੇ,
ਖੱਬੇ ਪਾਸੇ ਖੂਹ ਤੇ ਸੱਜੇ ਖਾਈ ਹੈ।
----
ਕੱਲ ਸ਼ਾਮ ਦਾ ਚਿੱਤ ਬੜਾ ਮੁਰਝਾਇਆ ਏ,
ਸਹੁੰ ਯਾਰਾਂ ਤਿਰੇ ਨਾਂ ਦੀ ਕੱਲ੍ਹ ਖੁਆਈ ਹੈ।
----
ਬੈਠਾਂ ਹਾਂ ਇਕ ਕਾਗਜ਼ ਤੇ ਇਕ ਕਲਮ ਫੜੀ,
ਹਾਣ ਤਿਰੇ ਦੀ ਗਜ਼ਲ ਯਾਦ ਇਕ ਆਈ ਹੈ।
----
ਸੁੰਨਸਾਨ ਇੱਕ ਸੜਕ ਦੂਰ ਤੱਕ ਖਾਲੀ ਏ,
ਪਰ ਤੂੰ ਆਉਣੈਂ, ਆਸ 'ਯਾਦ' ਨੇ ਲਾਈ ਹੈ।
No comments:
Post a Comment