ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Wednesday, March 18, 2009

ਜਸਵੀਰ ਝੱਜ - ਗੀਤ

ਗੀਤ

ਮੇਰੇ ਧਰਮ ਮਨੁੱਖਤਾ ਨੂੰ ਧਰਮਾਂ ਨੇ ਵੰਡ ਲਿਆ

ਕਿਸੇ ਪੁਣ ਤੇ ਛਾਣ ਲਿਆ, ਕਿਸੇ ਛੱਜ ਪਾ ਛੰਡ ਲਿਆ

----

ਕਦੇ ਜੰਨਤ ਦੇ ਸੁਪਨੇ ਕਦੇ ਹੂਰਾਂ ਦੇ ਲਾਰੇ

ਸੱਚਾ ਮੋਮਨ ਓਹੀ ਏ ਜੋ ਕਾਫ਼ਰ ਨੂੰ ਮਾਰੇ

ਮਿਲਖਾਂ ਦੇ ਲਾਲਚ, ਕਿਸੇ ਨੂੰ ਧੀ ਦੇ ਕੇ ਗੰਢ ਲਿਆ…….. .

ਮੇਰੇ ਧਰਮ ਮਨੁੱਖਤਾ ਨੂੰ.....

----

ਸੋਮਰਸ ਤੇ ਪਰੀਆਂ ਦੇ ਮੈਨੂੰ ਲਾਰੇ ਲਾਏ ਨੇ

ਸੁਰਗਾਂ ਵਿੱਚ ਰਾਜ ਮਿਲੂ, ਜਿਹੇ ਜਾਲ਼ ਵਿਛਾਏ ਨੇ

ਤੇਰਾ ਸਿਰ ਨਹੀਂ ਮੰਗਦੇ ਚੱਲ ਤੂੰ ਸਿਰ ਦੀ ਝੰਡ ਲਿਆ.. ..

ਮੇਰੇ ਧਰਮ ਮਨੁੱਖਤਾ ਨੂੰ......

----

ਉਠ ਕੌਮ ਦੇ ਲੇਖੇ ਲੱਗ ਤੂੰ ਯੋਧਾ ਸੂਰਾ ਏਂ

ਹੁਣ ਪਿਛੇ ਨਹੀਂ ਮੁੜਨਾ ਤੂੰ ਕਰਨੀ ਦਾ ਪੂਰਾ ਏਂ

ਭੋਰਾ ਕੱਚ ਨਾ ਤੇਰੇ ਵਿੱਚ, ਭੱਠੀ ਪਾ ਚੰਡ ਲਿਆ.. ..

ਮੇਰੇ ਧਰਮ ਮਨੁੱਖਤਾ ਨੂੰ....

----

ਮਰਨ ਪਿਛੋਂ ਹੋਣਾ ਕੀ ਕੋਈ ਵੀ ਜਾਣੇ ਨਾ

ਅੱਜ ਤੇਰੇ ਹੱਥ ਵਿੱਚ ਹੈ ਕਿਉਂ ਅੱਜ ਪਛਾਣੇਂ ਨਾ

ਝੱਜਤੂੰ ਹੀ ਦੁਖੀਆਂ ਲਈ ਕੋਈ ਸੁੱਖਾਂ ਦੀ ਠੰਡ ਲਿਆ.. ..

ਮੇਰੇ ਧਰਮ ਮਨੁੱਖਤਾ ਨੂੰ......

----

ਮੇਰੇ ਧਰਮ ਮਨੁੱਖਤਾ ਨੂੰ ਧਰਮਾਂ ਨੇ ਵੰਡ ਲਿਆ

ਕਿਸੇ ਪੁਣ ਤੇ ਛਾਣ ਲਿਆ, ਕਿਸੇ ਛੱਜ ਪਾ ਛੰਡ ਲਿਆ


1 comment:

Charanjeet said...

ਸੋਹਣੇ ਖਿਆਲਾਂ ਨਾਲ ਭਰਪੂਰ ਗੀਤ
ਮੇਰੇ ਵਲੋਂ ਦਾਦ ਹਾਜ਼ਿਰ ਹੈ