ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Tuesday, March 31, 2009

ਗੁਰਿੰਦਰਜੀਤ - ਨਜ਼ਮ

ਪਤੰਗ - ਡੋਰ

ਨਜ਼ਮ

ਕੁੱਝ ਦਿਨ ਹੋਏ,

ਮੈਂ ਸੁਪਨੇ 'ਚ ਪਤੰਗ ਬਣ

ਉਡਾਰੀਆਂ ਮਾਰ ਰਿਹਾ ਸਾਂ..

ਕਦੇ ਖੱਬਿਓਂ ਕੱਨੀਂ ਮਾਰਾਂ..

ਕਦੇ ਸੱਜਿਉਂ ਕੱਨੀਂ ਮਾਰਾਂ..

ਕਦੇ ਥੱਲੇ ਨੂੰ ਡਾਈਵ ਕਰਾਂ!

........................

ਨਿੱਕੂ ਦਾ ਦਿਲ ਘਬਰਾਵੇ..

"ਊਹਹਹ..! ਲੱਗਾ ਡਿੱਗਣ..!"

'ਵਾ ਦਾ ਪੰਘੂੜਾ ਝੂਟਦਿਆਂ ..

ਨੀਂਦ... ਨੀਂਦ ..'

ਜਾ ਅਸਮਾਨੀ ਪੁੱਜਾ..

....................

ਨਿੱਕੂ ਤਾਂ ਉਂਝ ਹੀ ਨਿੱਕਾ ਸੀ..

ਜਮਾਂ ਹੀ ਦਿਸਣੋਂ ਬੰਦ ਹੋ ਗਿਆ..

ਦੋਵੇਂ ਹੱਡੀਆਂ ਹੌਲ਼ੇ ਜਿਹੇ,

ਡੋਰ ਨੂੰ ਬੋਲੀਆਂ.....

...................

"ਨਿੱਕੂ ਤੈਨੂੰ ਭਾਵੇਂ ਛੱਡ ਦੇਵੇ,

ਤੂੰ ਨਿੱਕੂ ਨੂੰ ਨਾ ਛੱਡੀਂ...!"

ਮੇਰਾ ਕਾਗਤੀ ਭਲਵਾਨ..

'ਤਾਅ' ਵੀ

ਤਰਲਿਆਂ ਤੇ ਆ ਗਿਆ....

.................

ਮੈਂ ਬਿਸਤਰੇ ਚੋਂ ਛਾਲ਼ ਮਾਰ ਉਠਿਆ,

ਫੂਨ ਚੁੱਕਿਆ....

ਦੋਸਤ ਟ੍ਰੈਵਲ ਏਜੰਟ ਤੋਂ

ਵਤਨ ਦੀ ਟਿਕਟ ਲੈ......

ਡੋਰ ਟੱਟਣ ਤੋਂ ਪਹਿਲਾਂ

ਰੱਬ ਸਬੱਬੀ

ਪਹਿਲਾਂ ਘਰ

ਤੇ ਫਿਰ ਸਾਇੰਸ ਵਾਲ਼ੇ

ਮਾਸਟਰ ਕੋਲ਼ ਪਹੁੰਚਿਆ

ਜੀਹਨੇਂ ਕਦੇ ਮੈਨੂੰ

ਨਿੱਕੂ ਵਾਂਗ

ਅਸਮਾਨੀ ਚੜ੍ਹਾਇਆ ਸੀ..!

.................

ਹੁਣ,

ਜੇ ਫੇਰ ਪਤੰਗ ਬਣ ਚੜ੍ਹਿਆ

ਤਾਂ ਬਸੀਵੇਂ ਤੋਂ ਦੂਰ ਨੀ ਜਾਂਦਾ

ਸ਼ਰੀਕਾਂ ਨੇ

ਜੇ ਪੇਚਾ ਪਾਕੇ.......

ਹੱਟ ਬੋ ਵੀ ਕੀਤੀ

ਤਾਂ ਕਿਤੇ ਡੱਬਰੀ ਵਾਲ਼ੇ ਖੇਤਾਂ ਦੁਆਲ਼ੇ

ਹੀ ਡਿੱਗਾਂਗਾ....!

..................

ਨਾਲ਼ੇ ਮੇਰੀ ਡੋਰ ਨੂੰ,

ਪੈਲ਼ੀ ਦੀ ਪਰਮ ਛੋਹ ਮਿਲ਼ਜੂ..!

ਜਾਂ ਸ਼ਾਇਦ ਨਿੱਕੂ

ਬਚੀ ਡੋਰ ਨਾਲ਼

ਨਵਾਂ ਪਤੰਗ ਉਡਾ ਲਵੇਗਾ

ਨਿੱਕੂ..........!

ਬਚੀ ਡੋਰ...............!!

ਨਵਾਂ ਪਤੰਗ..............!!!

2 comments:

BASANT said...

Bahut thik gal kahi bai ji
Na apan ruke si udan lagey
Bahut rokia si ghardian ne,
Te hun sare Punjab dey "NIKU" dor kathi kari baithe han
k kadon koi patang miley te ud chaliey.

MANVINDER BHIMBER said...

ਨਾਲ਼ੇ ਮੇਰੀ ਡੋਰ ਨੂੰ,

ਪੈਲ਼ੀ ਦੀ ਪਰਮ ਛੋਹ ਮਿਲ਼ਜੂ..!

ਜਾਂ ਸ਼ਾਇਦ ਨਿੱਕੂ

ਬਚੀ ਡੋਰ ਨਾਲ਼

ਨਵਾਂ ਪਤੰਗ ਉਡਾ ਲਵੇਗਾ

‘ਨਿੱਕੂ’..........!

‘ਬਚੀ ਡੋਰ’...............!!

‘ਨਵਾਂ ਪਤੰਗ’..............!!!
bahut khoob....behtreen