ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Wednesday, May 27, 2009

ਸੁਰਜੀਤ - ਨਜ਼ਮ

ਦਹਿਲੀਜ਼

ਨਜ਼ਮ

ਪਹਿਲੀ ਉਮਰ ਦੇ

ਉਹ ਅਹਿਸਾਸ

ਉਹ ਵਿਸ਼ਵਾਸ

ਉਹ ਚਿਹਰੇ

ਉਹ ਰਿਸ਼ਤੇ

ਅਜੇ ਵੀ ਤੁਰ ਰਹੇ ਨੇ

ਮੇਰੇ ਨਾਲ ਨਾਲ !

.........

ਯਾਦਾਂ ਦੇ ਕੁਛ ਕੰਵਲ

ਅਜੇ ਵੀ ਮਨ ਦੀ ਝੀਲ

ਤੈਰ ਰਹੇ ਨੇ ਓਵੇਂ ਦੇ ਓਵੇਂ !

ਸੁਹਲ-ਸਲੋਨੇ ਸੁਪਨੇ

ਅਜੇ ਵੀ ਪਲਕਾਂ ਹੇਠਾਂ

ਪਲਮ ਰਹੇ ਨੇ

ਓਸੇ ਤਰ੍ਹਾਂ !

........

ਤਿਤਲੀਆਂ ਫੜਨ ਦੀ

ਉਮਰ ਦੇ ਚਾਅ

ਅਜੇ ਵੀ ਮੇਰੀਆਂ ਤਲੀਆਂ ਤੇ

ਟਪੂਸੀਆਂ ਮਾਰ ਕੇ ਨੱਚ ਰਹੇ ਨੇ !

ਇੰਦਰ-ਧਨੁਸ਼ ਦੇ ਸੱਤੇ ਰੰਗ

ਅਜੇ ਮੇਰੀਆਂ ਅੱਖਾਂ

ਖਿੜ ਖਿੜ ਹੱਸ ਰਹੇ ਨੇ !

...............

ਮੇਰੇ ਅੰਦਰ ਦੀ ਸੁਹਲ ਜਿਹੀ ਕੁੜੀ

ਅਜੇ ਤੱਕ ਦੋ ਗੁੱਤਾਂ ਕਰੀ

ਹੱਥ ਵਿਚ ਕਿਤਾਬਾਂ ਫ਼ੜੀ

ਕਾਲਜ ਵਿਚ ਸਖੀਆਂ ਸੰਗ

ਜ਼ਿੰਦਗੀ ਦੀ ਸਟੇਜ ਤੇ

ਗਿੱਧਾ ਪਾਉਂਦੀ ਹੈ !

............

ਹੈਰਾਨ ਹਾਂ ਕਿ

ਮਨ ਦੇ ਧਰਾਤਲ ਤੇ

ਕੁਛ ਵੀ

ਨਹੀਂ ਬਦਲਦਾ !

ਪਰ ਹੌਲੀ ਹੌਲੀ

ਸ਼ੀਸ਼ੇ ਵਿਚਲਾ ਆਪਣਾ ਅਕਸ

ਬੇਪਛਾਣ ਹੋਈ ਜਾਂਦੈ !!


3 comments:

सुभाष नीरव said...

Surjeet ji di nazam 'Dahileez' bahut khoobsurat nazam hai. Kavyitri nu ate tandeep ji tuhanu badhayee !

Unknown said...

This poem by Surjit portrays her hidden feelings about her great yesteryears. Enjoyed reading it as well.

Preet Walia
Canada

Charanjeet said...

khoobsoorat nazm ,surjit ji