ਬੜਾ ਫ਼ਰਕ ਹੁੰਦਾ ਹੈ...ਨਜ਼ਮ
ਉਲਫ਼ਤ ਦੀਆਂ ਰਾਹਾਂ ਵਿਚ
ਝੂਠੇ ਗਵਾਹਾਂ ਵਿਚ
ਕਾਵਾਂ ਦੀ ਟੋਲੀ ਵਿਚ
ਕੋਇਲ ਦੀ ਬੋਲੀ ਵਿਚ
ਬੜਾ ਫ਼ਰਕ ਹੁੰਦਾ ਹੈ!
...........
ਸੱਚ ਦਿਆਂ ਬੋਲਾਂ ਵਿਚ
ਝੂਠ ਦੇ ਤੋਲਾਂ ਵੋਚ
ਪਾਂਧੇ ਦੀ ਪੱਤਰੀ ਵਿਚ
ਗੁਆਂਢੀ ਦੀ ਬੱਕਰੀ ਵਿਚ
ਬੜਾ ਫ਼ਰਕ ਹੁੰਦਾ ਹੈ!
...........
ਮੋਰ ਦੀ ਚਾਲ ਵਿਚ
ਸ਼ੇਰ ਦੀ ਛਾਲ਼ ਵਿਚ
ਹੀਰ ਦੀ ਚੂਰੀ ਵਿਚ
ਵਿਧਵਾ ਦੀ ਮਜਬੂਰੀ ਵਿਚ
ਬੜਾ ਫ਼ਰਕ ਹੁੰਦਾ ਹੈ!
...........
ਫ਼ੋਕਿਆਂ ਫ਼ਰਜ਼ਾਂ ਵਿਚ
ਝੂਠੀਆਂ ਰਸਮਾਂ ਵਿਚ
ਵੇਸਵਾ ਦੇ ਹਾਸੇ ਵਿਚ
ਝੂਠੇ ਧਰਵਾਸੇ ਵਿਚ
ਬੜਾ ਫ਼ਰਕ ਹੁੰਦਾ ਹੈ!
1 comment:
फ़र्क की अच्छी व्याख्या की है देविंदर जी आपने अपनी कविता में। बधाई !
Post a Comment