ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Friday, February 12, 2010

ਡੀ.ਆਰ. ਧਵਨ - ਗ਼ਜ਼ਲ

ਗ਼ਜ਼ਲ

ਐ ਦਿਲ ਨਾ ਤੜਪ ਦੇਖ ਠਹਿਰ ਚਾਰ ਕੁ ਪਲ ਹੋਰ।

ਬਦਲੇ ਨੇ ਜੁ ਅਜ ਥੋੜ੍ਹਾ ਬਦਲ ਜਾਣਗੇ ਕੱਲ੍ਹ ਹੋਰ।

-----

ਮੰਜ਼ਿਲ ਤੇ ਪਹੁੰਚਣਾ ਹੈ ਨ ਰਸਤੇ ਚ ਕਦਮ ਰੋਕ,

ਬਸ ਚਾਰ ਕੁ ਪੈਰਾਂ ਦਾ ਸਫ਼ਰ ਹੋਰ ਹੈ, ਚਲ ਹੋਰ।

-----

ਖੁਭ ਜਾਏਂਗਾ ਉਸਦੇ ਜੇ ਖ਼ਿਆਲਾਂ ਚ ਲਗਾਤਾਰ,

ਦਿਲ ਹਾਰ ਕੇ ਬੈਠੇਂਗਾ ਤੇ ਪੈ ਜਾਊ ਖ਼ਲਲ ਹੋਰ।

-----

ਆਦਤ ਹੈ ਅਸਾਂ ਦੀ ਕਿ ਵਫ਼ਾ ਕਰਨ ਦੀ ਸਭ ਨਾਲ਼,

ਜੀ ਸਦਕੇ ਜਫ਼ਾ ਕਰਨ ਉਹ ਹੈ ਉਨ੍ਹਾਂ ਦੀ ਗੱਲ ਹੋਰ।

-----

ਜੇ ਕੋਈ ਮੁਸੀਬਤ ਦੀ ਘੜੀ ਵਿਚ ਨ ਰਿਹਾ ਨਾਲ਼,

ਏਦਾਂ ਹੀ ਚਲੀ ਜਾਊ ਮੁਸੀਬਤ ਵੀ, ਸੰਭਲ਼ ਹੋਰ।

-----

ਇਹ ਹੁਸਨ ਫ਼ਰੇਬੀ ਹੈ ਨਾ ਕਰ ਏਸ ਦਾ ਇਤਬਾਰ,

ਨਾਦਾਨ ਮੇਰੇ ਇਸ਼ਕ਼ ਤੂੰ ਐਵੇਂ ਨਾ ਮਚਲ ਹੋਰ।

-----

ਕਹਿੰਦੇ ਨੇ ਗ਼ਜ਼ਲ ਹੋਰ ਵੀ ਮਹਿਫ਼ਿਲ ਚ ਬੜੇ ਲੋਕ,

ਡੀ.ਆਰ. ਧਵਨ ਦਾ ਹੈ ਮਗਰ ਰੰਗੇ-ਗ਼ਜ਼ਲ ਹੋਰ।

********

( ਸ਼ਾਇਰ ਮਿਰਜ਼ਾ ਗਾਲਿਬ ਸਾਹਿਬ ਦੀ ਜ਼ਮੀਨ ਤੇ ਕਹੀ ਗ਼ਜ਼ਲ)


1 comment:

harpal said...

Bahut khoob:
ਜੇ ਕੋਈ ਮੁਸੀਬਤ ਦੀ ਘੜੀ ਵਿਚ ਨ ਰਿਹਾ ਨਾਲ਼,
ਏਦਾਂ ਹੀ ਚਲੀ ਜਾਊ ਮੁਸੀਬਤ ਵੀ, ਸੰਭਲ਼ ਹੋਰ।