ਗ਼ਜ਼ਲ ਜੰਗਲ ਜਿਹੀ ਚੁਪ ਚਾਂ ਨਹੀਂ ਮੇਰੇ ਗਰਾਂ ।
ਉਂਝ ਇਹ ਵੀ ਸੱਚ ਹੈ ਛਾਂ ਨਹੀਂ ਮੇਰੇ ਗਰਾਂ ।
-----
ਪੈਰਾਂ ਦੀਆਂ ਤਲ਼ੀਆਂ ਦਾ ਨਾ ਤੂੰ ਫ਼ਿਕਰ ਕਰ ,
ਪਥਰੀਲੀਆਂ ਜੂਹਾਂ ਨਹੀਂ ਮੇਰੇ ਗਰਾਂ ।
-----
-----
ਇੱਥੇ ਹੀ ਇਹ ਕਸਮਾਂ ਖਵਾਉਂਦੇ ਹੋ ਤੁਸੀ,
ਕਹਿਣੇ ਨੂੰ ਸੱਚ ਸ਼ਰਤਾਂ ਨਹੀਂ ਮੇਰੇ ਗਰਾਂ ।
-----
ਜੀਭਾਂ ਤਾਂ ਕੁਝ ਲੋਕਾਂ ਦੀਆਂ ਖ਼ਾਮੋਸ਼ ਹਨ,
ਪਰ ਗੂੰਗੀਆਂ ਨਜ਼ਰਾਂ ਨਹੀਂ ਮੇਰੇ ਗਰਾਂ ।
----
ਆਉਂਦੈ ਕੁਈ ਮਹਿਮਾਨ ਦਸਦੈ ਫੂਨ ਹੀ ,
ਕਾਂਵਾਂ ਦੀ ਹੁਣ ਕਾਂ ਕਾਂ ਨਹੀਂ ਮੇਰੇ ਗਰਾਂ ।
-----
ਕੁੱਖੋਂ ਤਿਆਗਣ ਧੀਆਂ ਨੂੰ ਤੇਰੇ ਨਗਰ,
ਨਿਰਮੋਹੀਆਂ ਮਾਂਵਾਂ ਨਹੀਂ ਮੇਰੇ ਗਰਾਂ ।
-----
ਕੂੰਜਾਂ ਜੋ ਉੜੀਆਂ ਸਨ ਤੁਹਾਡੇ ਸ਼ਹਿਰ ਵੱਲ ,
ਹਾਲੇ ਵੀ ਉਹ ਮੁੜੀਆਂ ਨਹੀਂ ਮੇਰੇ ਗਰਾਂ ।
1 comment:
ਇੱਕ ਖੂਬਸੂਰਤ ਗ਼ਜ਼ਲ..!
Post a Comment