ਗ਼ਜ਼ਲਤੇਰਿਆਂ ਕਦਮਾਂ 'ਚ ਨੇ ਜੇ ਸੁਲ਼ਗਦੇ ਥਲ ਬੇਹਿਸਾਬ ।
ਮੇਰੀਆਂ ਪਲਕਾਂ 'ਚ ਛਲਕਣ ਨਾ ਕਿਵੇਂ ਰਾਵੀ, ਚਨਾਬ।
-----
ਉਮਰ ਦੇ ਸਭ ਪੰਨਿਆਂ 'ਤੇ ਹਿਜਰ ਹੀ ਜੇ ਦਰਜ ਹੈ,
ਮਾਇਨੇ ਕੀ ਵਸਲ ਦੇ ਦੱਸੇਗੀ ਫਿਰ ਕੋਈ ਕਿਤਾਬ।
-----
-----
ਕੰਡਿਆਂ 'ਤੇ ਤੁਰਦਿਆਂ ਹੀ ਹੈ ਗੁਜ਼ਾਰੀ ਉਮਰ ਮੈਂ,
ਕੀ ਪਤਾ ਕਿਸ ਨੂੰ ਤੁਸੀਂ ਹੋ ਆਖਦੇ ਸੂਹਾ ਗੁਲਾਬ।
-----
ਆਪਣੇ ਆਪੇ ਨੂੰ ਮਿਲ਼ਿਆਂ ਯੁੱਗ ਹੈ ਇਕ ਬੀਤਿਆ,
ਓਸਦੇ ਪਲ ਪਲ ਦਾ ਹੀ ਰਖਦਾ ਰਿਹਾ ਮੈਂ ਤਾਂ ਹਿਸਾਬ।
-----
ਇਸ ਤਰ੍ਹਾਂ ਦੀ ਨੀਂਦ ਦੇ ਮੇਰੇ ਲਈ ਲਈ ਕੀ ਅਰਥ ਨੇ,
ਜਿਸ 'ਚ ਉਸਦੀ ਮਹਿਕ ਰੰਗੇ ਹੋਣ ਨਾ ਅਣਗਿਣਤ ਖ਼ਾਬ।
-----
ਦੂਰ ਏਥੋਂ ਬਰਸਦੇ ਬੱਦਲ ਨੂੰ ਏਨਾ ਤਾਂ ਕਹੀਂ,
ਯਾਦ ਕਰਦਾ ਹੈ ਬੜਾ ਤੈਨੂੰ ਕਿਤੇ ਸੁਕਦਾ ਤਲਾਬ।
2 comments:
Mohi Sahib,Wah.......Rup Daburji
ਤੇਰਿਆਂ ਕਦਮਾਂ ’ਚ ਨੇ ਜੇ ਸੁਲਘਦੇ ਥਲ ਬੇਹਿਸਾਬ।
ਮੇਰੀਆਂ ਪਲਕਾਂ ’ਚ ਛਲਕਣ ਨਾ ਕਿਵੇਂ ਰਾਵੀ ਚਨਾਬ।
ਮੋਹੀ ਜੀ ਦਾ ਸ਼ਿਅਰ ਦਿਲ ਮੋਹ ਕੇ ਲੈ ਗਿਆ ਹੈ।
ਸੁਰਿੰਦਰ ਸੋਹਲ
ਯੂ.ਐੱਸ.ਏ.
Post a Comment