ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Friday, August 13, 2010

ਗਿਆਨ ਸਿੰਘ ਕੋਟਲੀ - ਨਜ਼ਮ

ਰੱਬ ਜੀ ਦੀ ਬਖ਼ਸ਼ਿਸ਼

ਨਜ਼ਮ

ਕੀਤੀ ਰੱਬ ਜੀ ਬੜੀ ਮਹਾਨ ਬਖ਼ਸ਼ਿਸ਼,

ਘਰ ਜੱਗ ਜਹਾਨ ਘਮਸਾਨ ਬਣ ਗਏ

-----

ਬੇਲਿਹਾਜ਼ ਬੇਦਰਦ ਬੇਕਿਰਕ ਬੇਦਿਲ,

ਕੇਹੋ ਜੇਹੇ ਨੇ ਇਹ ਇਨਸਾਨ ਬਣ ਗਏ

-----

ਜਿਹੜੇ ਜਾ ਅਸਮਾਨੇ ਵੀ ਲਾਉਣ ਲੂਤੀ,

ਐਸੇ ਉੱਚੇ ਨੇ ਸਾਡੇ ਬਿਆਨ ਬਣ ਗਏ

-----

ਦੇਖੋ ਜਿਧਰ ਵੀ ਪਈ ਕੋਈ ਆਫ਼ਤ,

ਢਾਰੇ ਸੁੱਖਾਂ ਦੇ ਹਨ ਸ਼ਮਸ਼ਾਨ ਬਣ ਗਏ

-----

ਰਹਿੰਦੇ ਤੁਰੇ ਤੂਫ਼ਾਨ ਭੁਚਾਲ ਝੱਖੜ,

ਹੜ੍ਹ ਨਿੱਤ ਦੇ ਸਾਡੇ ਮਹਿਮਾਨ ਬਣ ਗਏ

-----

ਵਸਦੇ ਘੁੱਗ ਸੀ ਸ਼ਹਿਰ ਗਿਰਾਂ ਜਿਹੜੇ,

ਹੂੰਝੇ ਗਏ ਉਹ ਰੜੇ ਮੈਦਾਨ ਬਣ ਗਏ

=====

ਜਾਨਾਂ ਦੇਸ਼ ਆਜ਼ਾਦੀ ਤੋਂ ਵਾਰ ਦਈਏ

ਨਜ਼ਮ

ਅਸੀਂ ਸੱਚਿਆਂ ਸੁੱਚਿਆਂ ਲੀਡਰਾਂ ਨੇ,

ਨਹੀਓਂ ਕੌਮ ਦਾ ਕੋਈ ਨੁਕਸਾਨ ਕੀਤਾ

ਕੀਤੀ ਅਸਾਂ ਨੇ ਨਹੀਂ ਕੋਈ ਚਾਲਬਾਜ਼ੀ,

ਹੇਰਾ-ਫੇਰੀ ਦਾ ਨਹੀਂ ਸਾਮਾਨ ਕੀਤਾ

-----

ਲੂਤੀ ਲਾਉਣ ਦੀ ਗੱਲ ਨਾ ਕਦੇ ਕੀਤੀ,

ਝੂਠਾ ਕਦੇ ਨਾ ਕੁੱਝ ਬਿਆਨ ਕੀਤਾ

ਕੁੰਨਬਾ-ਪਰਵਰੀ ਅਸਾਂ ਨਾ ਕਦੇ ਕੀਤੀ,

ਰਿਸ਼ਵਤ ਵਲ ਨਾ ਕਦੇ ਧਿਆਨ ਕੀਤਾ

-----

ਅਸੀਂ ਦੇਸ਼ ਤੇ ਕੌਮ ਦੀ ਰੱਖਿਆ ਲਈ,

ਲੱਖਾਂ ਗੱਦੀਆਂ ਦਿਲੋਂ ਵਿਸਾਰ ਦਈਏ

ਠੋਹਕਰ ਮਾਰ ਕੇ ਚੌਧਰਾਂ ਕੁਰਸੀਆਂ ਨੂੰ,

ਜਾਨਾਂ ਦੇਸ਼ ਆਜ਼ਾਦੀ ਤੋਂ ਵਾਰ ਦਈਏ


No comments: