ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Saturday, February 4, 2012

ਇਕਵਿੰਦਰ - ਗ਼ਜ਼ਲ

ਦੋਸਤੋ! 10 ਦਸੰਬਰ, 2011 ਨੂੰ ਉਸਤਾਦ ਗ਼ਜ਼ਲਗੋ ਜਨਾਬ ਉਲਫ਼ਤ ਬਾਜਵਾ ਸਾਹਿਬ ਦੀ ਗ਼ਜ਼ਲ ਦੀ ਜ਼ਮੀਨ ਤੇ ਤਿੰਨ ਸ਼ਾਇਰ ਦੋਸਤਾਂ ਅਮਰੀਕ ਗ਼ਾਫ਼ਿਲ ਸਾਹਿਬ, ਸੁਮਨ ਸ਼ਾਮਪੁਰੀ ਜੀ ਅਤੇ ਰਾਜਿੰਦਰਜੀਤ ਜੀ ਵੱਲੋਂ ਕਹੀਆਂ ਸ਼ਾਨਦਾਰ ਗ਼ਜ਼ਲਾਂ ਪੋਸਟ ਕੀਤੀਆਂ ਗਈਆਂ ਸਨ, ਫੇਸਬੁੱਕ ਤੇ ਇਸ ਪੋਸਟ ਨੂੰ ਬਹੁਤ ਭਰਵਾਂ ਹੁੰਘਾਰਾ ਮਿਲ਼ਿਆ ਸੀ...ਇੰਕਵਿੰਦਰ ਜੀ ਨੇ ਇਹ ਪੋਸਟ ਪੜ੍ਹ ਕੇ ਬਾਜਵਾ ਸਾਹਿਬ ਦੀ ਉਸੇ ਜ਼ਮੀਨ ਚ ਕਹੀ ਇਕ ਖ਼ੂਬਸੂਰਤ ਗ਼ਜ਼ਲ ਆਰਸੀ ਲਈ ਘੱਲੀ ਸੀ, ਜਿਸਨੂੰ ਮੈਂ ਅੱਜ ਆਰਸੀ ਦੀ ਪੋਸਟ ਵਿਚ ਸ਼ਾਮਿਲ ਕਰਕੇ ਸਾਰੇ ਦੋਸਤਾਂ ਨਾਲ਼ ਸਾਂਝੀ ਕਰ ਰਹੀ ਹਾਂ....ਤੁਹਾਡੇ ਪ੍ਰਤੀਕਰਮਾਂ ਦੀ ਉਡੀਕ ਰਹੇਗੀ..ਅਦਬ ਸਹਿਤ..ਤਨਦੀਪ

********


( ਜਨਾਬ ਉਲਫ਼ਤ ਬਾਜਵਾ ਸਾਹਿਬ ਦੀ ਜ਼ਮੀਨ ਤੇ ਕਹੀ ਗ਼ਜ਼ਲ )


ਗ਼ਜ਼ਲ


ਰਾਗ ਪਰੀਆਂ ਨੇ ਗਾਇਆ ਲਗਦਾ ਹੈ


ਮੇਰਾ ਮਹਿਬੂਬ ਆਇਆ ਲਗਦਾ ਹੈ



ਹੁਣ ਨਾ ਕੋਈ ਪਰਾਇਆ ਲਗਦਾ ਹੈ


ਮਨ ਫ਼ਕੀਰੀ ਆਇਆ ਲਗਦਾ ਹੈ



ਉਹ ਤਾਂ ਮਿਲਦਾ ਹੈ ਸਭ ਨੂੰ ਹੱਸ-ਹੱਸ ਕੇ,


ਦਰਦ ਉਸ ਨੇ ਛੁਪਾਇਆ ਲਗਦਾ ਹੈ



ਦਿਲ ਦੇ ਪੰਛੀ ਤੂੰ ਸੰਭਲ ਕੇ ਉੱਡੀਂ,


ਜਾਲ਼ ਥਾਂ-ਥਾਂ ਵਿਛਾਇਆ ਲਗਦਾ ਹੈ



ਸਾਡਾ ਸੂਰਜ ਨਹੀਂ ਹੈ ਥਾਂ ਅਪਣੀ ,


ਇਹ ਕਿਸੇ ਨੇ ਹਿਲਾਇਆ ਲਗਦਾ ਹੈ



ਜਿਸ ਚ ਅਪਣੱਤ ਮਰ ਗਈ ਹੋਵੇ ,


ਉਸ ਨੂੰ ਆਲਮ ਪਰਾਇਆ ਲਗਦਾ ਹੈ



ਮੇਰੀ ਸੁਣ ਕੇ ਉਹ ਦਾਸਤਾਂ ਬੋਲੇ ,


ਕਿੱਸਾ ਸੁਣਿਆ-ਸੁਣਾਇਆ ਲਗਦਾ ਹੈ



ਜਾਹ ! ਛੁਪਾ ਲੈ ਤੂੰ ਮੇਰੀਆਂ ਯਾਦਾਂ ਨੂੰ ,


ਕੋਈ ਬੂਹੇ ਤੇ ਆਇਆ ਲਗਦਾ ਹੈ



ਮੁਸਕੁਰਾਉਂਦਾ ਹੈ ਆ ਰਿਹਾ ਕ਼ਾਸਿਦ ,


ਖ਼ਤ ਮੁਹੱਬਤ ਦਾ ਆਇਆ ਲਗਦਾ ਹੈ



ਦਿਲ ਦਾ ਪੰਛੀ ਅਜੀਬ ਹੈ ਪੰਛੀ ,


ਇਹ ਹਮੇਸ਼ਾ ਤਿਹਾਇਆ ਲਗਦਾ ਹੈ



ਸਾਰੇ ਫੁੱਲਾਂ ਦੀ ਝੁਕ ਗਈ ਗਰਦਨ ,


ਮੇਰਾ ਮਹਿਬੂਬ ਆਇਆ ਲਗਦਾ ਹੈ



ਇਸ ਚ ਮੇਰੇ ਨਸ਼ੇ ਦਾ ਦੋਸ਼ ਨਹੀਓਂ,


ਰਾਹ ਨੇ ਘਰ ਭੁਲਾਇਆ ਲਗਦਾ ਹੈ



ਤੇਰੀ ਨਗਰੀ ਮਸਤ ਨਜ਼ਰਾਂ ਨੇ ,


ਜਾਲ ਥਾਂ-ਥਾਂ ਵਿਛਾਇਆ ਲਗਦਾ ਹੈ



ਤੈਨੂੰ ਭੁੱਲਿਆ ਨਹੀਂ ਹਾਂ ਇਕਵਿੰਦਰ’,


ਤੂੰ ਤਾਂ ਭਾਵੇਂ ਭੁਲਾਇਆ ਲਗਦਾ ਹੈ



3 comments:

Anonymous said...

ਹੁਣ ਨਾ ਕੋਈ ਪਰਾਇਆ ਲਗਦਾ ਹੈ .
ਮਨ ਫਕੀਰੀ 'ਚ ਆਇਆ ਲਗਦਾ ਹੈ !!
ਵਾਹ !!! ਇਸ ਸ਼ਿਅਰ ਬ ਕਮਾਲ ਹੈ !!!
ਧੰਨਵਾਦ

ਤਨਦੀਪ 'ਤਮੰਨਾ' said...

Kamal Pall ‎-------
ਉਹ ਤਾਂ ਮਿਲਦਾ ਹੈ ਸਭ ਨੂੰ ਹੱਸ-ਹੱਸ ਕੇ ,
ਦਰਦ ਉਸਨੇ ਛੁਪਾਇਆ ਲਗਦਾ ਹੈ |

ਜਿਸ 'ਚ ਅਪਣੱਤ ਮਰ ਗਈ ਹੋਵੇ ,
ਉਸਨੂੰ ਆਲਮ ਪਰਾਇਆ ਲਗਦਾ ਹੈ |
-------
ਵਾਹ ਇਕਵਿੰਦਰ ਜੀ ..pall
9 hours ago · Unlike · 1

AMRIK GHAFIL said...

ਵਾਹ ਜੀ ਵਾਹ...ਕਿਆ ਬਾਤ ਹੈ ਇਕਵਿੰਦਰ ਜੀ ....ਖ਼ੂਬਸੂਰਤ ਨਿਭਾਇਆ ਹੈ...ਇਸ ਜ਼ਮੀਨ ਨੂੰ ਤੁਸੀ...ਖ਼ੂਬਸੂਰਤ ਗ਼ਜ਼ਲ ਲਈ ਮੁਬਾਰਕਾਂ ਜੀ....